Министрлик 2025-2030-жылдарга пренаталдык скринингди киргизүү боюнча "Үмүт" улуттук программасынын долбоорун коомдук талкууга чыгарды. Бул программа энелердин жана балдардын ден соолугун чыңдоого, тукум куума жана хромосомалык ооруларды эрте аныктоого, ошондой эле кош бойлуулук учурунда медициналык жардамдын сапатын жана жеткиликтүүлүгүн жогорулатууга багытталган.
👶 Улуттук программа «Үмүт» 2025–2030-жылдарга карата пренаталдык скринингди киргизүү боюнча иштелип чыкты. Бул программа энелер менен балдардын ден соолугун чыңдоого, тукум кууган жана хромосомдук ооруларды эрте аныктоого жана кош бойлуулук учурунда медициналык жардамдын сапатын жана жеткиликтүүлүгүн жогорулатууга багытталган.
🔍 Программанын негизги максаттарынын бири – генетикалык бузулуулар жана оор тубаса кемтиктер менен төрөлгөн балдардын алдын алуу. Ошондой эле, пренаталдык скрининг системасын күнүмдүк клиникалык практикада колдонуу жана патологиялык тобокелдиктер бар кош бойлууларды убагында аныктоо жана коштоо аркылуу ден соолугу чың муундун төрөлүшүнө шарт түзүү.
📉 Программаны ишке ашыруу өлкөдө балдардын ооруларынын, майыптыгынын жана өлүмүнүн деңгээлин төмөндөтүүгө мүмкүндүк берет. Кыргызстанда кош бойлуу аялдарды скринингден өткөрүүнүн бирдиктүү механизми жок болгондуктан, текшерүүлөр үзгүлтүксүз жана клиникалык негизделген протоколдорсуз жүргүзүлөт. Бул кеч диагностикага алып келип, өз убагында медициналык кийлигишүү мүмкүнчүлүктөрүн азайтат.
🌍 Пренаталдык скрининг – бул энелик жана балалыкты коргоонун эл аралык деңгээлде таанылган стандарты болуп саналат. Ал тубаса кемтиктердин оор формаларынын алдын алууга жана ден соолугу чың балдардын төрөлүшүн камсыз кылууга мүмкүндүк берет.
🏥 Программа «Үмүт» I жана II триместрлерде биохимиялык жана ультраүн скринингдерин жүргүзүүнү, жогорку тобокелдиктеги аялдарды тереңдетилген текшерүүгө жана генетикалык консультацияга багыттоону, зарыл болгон учурда инвазивдик диагностика ыкмалары менен диагнозду ырастоо мүмкүнчүлүгүн камтыйт. Ар бир облуста заманбап ультраүн аппараттары жана биохимиялык анализаторлор менен жабдылган скрининг борборлорун түзүү каралган.
📊 Программада диагностика натыйжалуулугу адистердин милдеттүү сертификаттоосунан жана алардын ишинин сапатын жыл сайын тышкы аудиттен өткөрүүдөн көз каранды болот.
🔬 100дөн ашуун өлкөдө, анын ичинде Россия, Казакстан жана Беларусь мамлекеттеринде, пренаталдык скринингдин мамлекеттик программалары иштейт. Бул программалар кош бойлуулуктун алгачкы этаптарында Даун, Эдвардс, Патау синдромдорун, жүрөк кемтиктерин жана башка олуттуу патологияларды аныктоого мүмкүндүк берет.
🎯 Программаны ишке ашыруу медициналык байкоонун сапатын жогорулатууга, оор патологиялар менен төрөлгөн балдардын санын азайтууга, балдардын майыптыгынын жана өлүмүнүн алдын алуу системасын чыңдоого жана Кыргызстанда пренаталдык диагностика боюнча заманбап инфраструктураны түзүүгө шарт түзөт.