AQSH Suriya prezidentini xalqaro terrorchilar ro‘yxatidan chiqardi
Ahmad ash-Shara’a 2013-yilda “Muhammad al-Julani” nomi bilan xalqaro terrorchilar ro‘yxatiga kiritilgan edi. Qo‘shma Shtatlar Moliya vazirligi Suriyaning ichki ishlar vaziri Anas Xattobni ham sanksiyalar ro‘yxatidan chiqarganini bildirdi.
“AQSH bu qadamni Bashar Asad hokimiyatdan ketganidan so‘ng Suriya rahbariyatining erishgan ijobiy natijalari uchun qo‘llab-quvvatlov belgisi sifatida amalga oshirmoqda. Prezident ash-Shara’a boshchiligidagi yangi hukumat amerikalik yo‘qolgan fuqarolarni izlash, terrorizm va giyohvandlikka qarshi kurashish, kimyoviy qurollarni yo‘q qilish va mintaqada barqarorlikni mustahkamlash yo‘lida faol ish olib bormoqda”, degan Qo‘shma Shtatlar Davlat departamenti matbuot kotibi o‘rinbosari.
