Վարչապետի աշխատակազմում անհանգիստ են «Մեր ձևով» շարժման համակարգող Նարեկ Կարապետյանի՝ ամերիկացի լրագրող Թաքեր Կարլսոնին օրերս տված հարցազրույցի համար, գրելէ «Հրապարակ» օրաթերթը՝ հղում անելով իր աղբյուրին։
Բուն պատճառն, ըստ թերթի, այն է, որ այդ նպատակով որևէ գումար չի ծախսվել, իսկ վարչապետ Նիկոլ Փաշինյանի հարցազրույցների համար գումարներ են վճարվել։ Աշխատակազմում անհանգստանում են, որ կարող են որոշ անակնկալներ բացահայտվել:
Միջազգային հեղինակավոր լրատվամիջոցների և Կարլսոնի մակարդակի լրագրողների աշխատանքի սկզբունքներին ծանոթ մարդիկ տեղյակ են, որ ԱՄՆ լրագրողական համայնքի «բարձրագույն լիգայում» հարցազրույցները գումարով չեն կազմակերպվում, շեշտել է թերթը:
«Մեր ձևով» շարժումը նոյեմբերի 4-ին հայտնել էր, որ Կարապետյանը հարցազրույց կտա ամերիկացուն։ Հայտարարությունից հետո շարժման խոսնակ Մարիանա Ղահրամանյանը հերքել էրիշխանական ԶԼՄ-ների և հարթակների տարածած տեղեկությունները, թե «հարցազրույցն իրականացվել է վճարովի հիմունքներով ու լոբբիստական աշխատանքի արդյունքում»։
Կարապետյանն օգոստոսի 4-ին առաջարկել էր Վանաձորում երկու արդյունաբերական նախագիծ իրականացնել՝ պարարտանյութերի արտադրության քիմիական գործարանի վերականգնում և քաղաքում նավթի վերամշակման կենտրոնի ստեղծում: «Մեր ձևով»-ն առաջարկել էր նաև Մեղրիի զարգացման ծրագիր՝ շեշտը դնելով էներգետիկայի, լոգիստիկայի և բնակարանաշինության վրա։ Առաջարկել են նաև Գեղարքունիքի մարզի զարգացման նախագիծ՝ շեշտը դնելով Սևանում ձմեռային զբոսաշրջության և ձկնաբուծության վրա, ինչպես նաև Հայաստանի քաղաքներում ու գյուղերում գործազրկության կրճատման ծրագիր: Շարժումը տեղեկացրել էր Ալավերդու կենտրոնական զբոսայգու վերակառուցման ծրագրերի մասին ևս:
Նորություններին հետևեք մեր կայքում, ինչպես նաև Telegram-ում և YouTube-ում