24 октябрҙә Өфөлә Башҡортостан Башлығы Радий Хәбиров республика Хөкүмәте ҡарамағындағы Инвалидтар эштәре буйынса координация советының күсмә ултырышын уҙғарҙы. Был сара “Йондоҙ” белем биреү үҙәге майҙансығында “Ҡаршылыҡтарҙы еңеп” тигән форумға ярашлы ойошторолдо. Унда ҡатнашыусылар 2025 йылда һаулыҡ мөмкинлеге сиклеләрҙе реабилитациялау һәм абилитациялау комплекслы система үҫешендәге эштәргә йомғаҡ яһаны. Шулай уҡ ярҙамды камиллаштырыу саралары ҡаралды. Ултырышты асып, республика Башлығы 1 марттан илдә инвалидтарҙы реабилитациялау системаһында яңы этап башланыуын белдерҙе. Федераль ҡануниәттәге үҙгәрештәр тармаҡтың аныҡ стандарттарын, дәүләт сәйәсәтенең төп йүнәлештәрен билдәләне. -Беҙҙең алда ҙур яуаплы эш тора. Яңы стандарттар буйынса хеҙмәт күрһәтеү планын раҫланыҡ. Тиҙҙән комплекслы реабилитация буйынса төбәк законын ҡабул итәсәкбеҙ, - тине Радий Хәбиров. –Шуны билдәләгем килә, инвалидтарҙы комплекслы реабилитациялау һәм адаптациялау һорауҙары барыһы ла минең контролдә тотола. Ярҙ