YI muzlatilgan Rossiya aktivlarini Ukraina mudofaasiga yo‘naltirish qarorini ma’qullamadi
Yevropa Ittiofqi mamlakatlari Moskva Kiyevga urush boshlaganidan beri 200 milliard dollar miqdoridagi rus aktivlarini muzlatib qo‘ygandi. Kiyev bu mablag‘lardan mudofaa maqsadlarida foydalanishga urinmoqda.
Biroq alyansga a’zo davlatlar bu hozircha amalga oshmasligini va mazkur qarorga yetarlicha asos qidirilayotganini ta’kidladi.
“Biz Ukrainani qo‘llab-quvvatlashning texnik, huquqiy va moliyaviy jihatlari ustida ishlashda davom etamiz. Bu masalaga dekabr oyidagi YI sammitida yana qaytamiz”, degan YI vakili.
