🔺Toshkent davlat tibbiyot universitetining Gematologiya, transfuziologiya va laboratoriya ishi kafedrasida 2-Respublika Abu Ali ibn Sino nomidagi Jamoat salomatligi texnikumi o‘quvchilari uchun Sayyor dars tashkil etildi.
🔺Texnikum o‘quvchilari uchun darsni kafedra professori, t.f.d. Shoira Agzamovna Babadjanova hamda katta o‘qituvchi, PhD Dilafruz Latibovna Zaynutdinova olib bordilar.
🔺Professor, t.f.d. Shoira Agzamovna Babadjanova o‘quvchilarga klinik laboratoriya ishining asosiy yo‘nalishlari, tahlil jarayonida gigiyena va xavfsizlik qoidalari, shuningdek laboratoriya jihozlaridan to‘g‘ri foydalanish bo‘yicha amaliy ko‘nikmalarni tushuntirib berdi.
Katta o‘qituvchi, PhD Dilafruz Latibovna Zaynutdinova tomonidan esa “Qon guruhlarini aniqlash” mavzusida amaliy dars tashkil etildi. Dars jarayonida o‘quvchilar qon guruhlarini aniqlash usullari bilan yaqindan tanishdilar, laboratoriya sharoitida amaliyot o‘tkazdilar hamda mutaxassislar rahbarligida nazariy bilimlarini mustahkamlab oldilar.
🔻Ushbu amaliy mashg‘ulot o‘quvchilarning tibbiy bilim va ko‘nikmalarini oshirish, amaliy tajribasini boyitish hamda kelgusidagi kasbiy faoliyatida zarur bo‘ladigan malaka va ko‘nikmalarni shakllantirishga qaratilgan bo‘ldi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
