Кыргызстанда мектептерде БУУнун 80 жылдыгына арналган сабактар өткөрүлүп, окуучулар уюмдун тынчтыкты сактоодогу ролун жана Кыргызстандын кошкон салымын үйрөнүштү.
🎓 Кыргызстанда бардык мектептерде Бириккен Улуттар Уюмунун 80 жылдыгына арналган тематикалык сабактар жана иш-чаралар өтүүдө.
🌍 Окуучулар БУУнун тынчтыкты сактоодогу, эл аралык кызматташтыкты өнүктүрүүдөгү жана адам укуктарын коргоодогу ролун изилдөштү, ошондой эле Кыргызстандын уюмдагы салымы тууралуу маалымат алышты.
🏫 Бишкектеги Байдылда Сарногоев атындагы №100 орто мектебинде вице-премьер-министр Эдиль Байсалов жана Кыргызстандагы БУУ системасынын туруктуу координатору Антье Граве катышкан класстык саат болуп өттү.
📚 Бул иш-чаранын максаты – Кыргызстандын окуучулары БУУ тууралуу маалымат алып, өлкөбүздүн анын толук укуктуу мүчөсү экендиги менен сыймыктанышы керектигин түшүндүрүү.
🎨 Окуучулар иш-чаранын жүрүшүндө чыгармачыл иштерди, стенддерди жана БУУнун дүйнө жана жаштардын келечеги үчүн мааниси тууралуу кыска презентацияларды сунушташты.