Тунгуч кичи районундагы парктын асфальт жабуусунун сапаты текшерилди. Сертификаттоо борборунун адистери жабууну карап чыгып, керндерди лабораториялык сыноо үчүн алышты. Натыйжаларга жараша мындан аркы аракеттер белгиленет.
🛣️ Бишкек шаарынын “Тунгуч” кичирайонундагы парктын жаңы төшөлгөн асфальт-бетон каптамасынын сапаты текшерилди.
🔍 Текшерүү Кыргыз Республикасынын курулуш, архитектура жана турак жай-коммуналдык чарба министрлигинин тапшырмасы менен жүргүзүлдү.
🛠️ Республикалык курулушта сертификация борборунун адистери каптаманын абалын карап чыгып, лабораториялык сыноолор үчүн керн алышты.
📊 Сыноолордун жыйынтыгы боюнча асфальт-бетондун физикалык жана механикалык өзгөчөлүктөрү аныкталып, аткарылган иштердин талаптарга ылайык келиши жөнүндө корутунду даярдалат.
📋 Бардык жыйынтыктар алынгандан кийин, көйгөйлүү участок боюнча кийинки кадамдар жөнүндө чечим кабыл алынат.
💬 Буга чейин социалдык тармактарда жашоочулар тарабынан бул жерде асфальт бир ай мурун гана төшөлгөнүнө карабастан, “толкундар” жана жаракалар пайда болгондугу тууралуу видео жарыяланган.