ОАО «Элдик Банк» и ЗАО “Страховая Компания «Кыргызстан»” исламдык камсыздандыруу жаатында кызматташуу келишимине кол коюшту. Бул өнөктөштүк жарандарга Шариатка ылайык "Такафул" системасы боюнча камсыздандыруу мүмкүнчүлүгүн берет.
🌟 ОАО «Элдик Банк» жана ЗАО “Страховая Компания «Кыргызстан»” исламдык камсыздандыруу жаатында кызматташуу келишимине кол коюшту. Бул өнөктөштүктүн алкагында биздин өлкөнүн жарандары Шариатка ылайык келген, риба (пайыз), гарара (белгисиздик) жана майсир (кумар оюндары) элементтерин четке каккан “Такафул” системасы боюнча камсыздандыруу мүмкүнчүлүгүнө ээ болушат.
💼 Элдик Банктын өкүлдөрү “Такафул” продуктунун ишке киргизилиши банктын этикалык каржы продуктуларынын ассортиментин кеңейтүүгө жана ислам каржыларына кызыккан кардарлардын муктаждыктарын канааттандырууга болгон умтулуусун чагылдырат деп белгилешет.
🤝 Элдик Банктын Исламдык терезесинин жетекчиси Эстер Аймукамбетов: «Биз «Такафул» продуктусу боюнча «Кыргызстан» камсыздандыруу компаниясы менен кызматташуубуз региондо ислам каржыларынын өнүгүшүнө күчтүү түрткү берет деп ишенебиз. Бул кызматташуу биздин кардарлар үчүн ишенимдүү коргоо жана ишеним куралы болуп калат», – деп билдирди.
📈 Тараптар өнөктөштүктү өнүктүрүүнү, кардарларга биргелешкен сунуштарды кеңейтүүнү жана ислам каржылык кызматтарынын сегментиндеги катышуусун күчөтүүнү пландашууда.