Кыргызстанда 20-25-октябрда медициналык кызматкерлер үчүн зоналык тренингдер өтүүдө. 1600дөн ашуун адис иммунизацияны жакшыртуу жана санариптик системалар менен иштөө ыкмаларын үйрөнүүдө. Бул иш-чара балдарды кошумча эмдөө жана оорулардын алдын алуу максатында уюштурулган.
🩺 Кыргызстанда медициналык кызматкерлер үчүн зоналдык тренингдер башталды.
👩⚕️ 20-25-октябрь күндөрү өлкөнүн бардык аймактарында 1600дөн ашуун медициналык кызматкер, анын ичинде иммунологдор, эпидемиологдор жана эмдөө медайымдары катышууда.
💉 Катышуучулар эмдөөнүн мүмкүнчүлүктөрүн аныктоо, жеке эмдөө графиктерин түзүү, эсепке алуу жана отчеттуулук документтерин жүргүзүү, I-emdoo санарип системасы менен иштөө ыкмаларын үйрөнүшүүдө.
📊 Окутуу бирдиктүү программа боюнча жүргүзүлүп, теориялык жана практикалык модулдарды, ошондой эле билимдерди баалоону камтыйт.
👶 Май айында башталган кампания 1-5 жаштагы балдарды кошумча эмдөө, ата-энелердин маалымдуулугун жогорулатуу жана кызамык, көк жөтөл, дифтерия жана полиомиелит сыяктуу оорулардын алдын алуу максатын көздөйт.
📈 Бүгүнкү күнгө чейин 28 100 бала оозеки полиомиелит вакцинасын, 13 197 бала инактивделген полиомиелит вакцинасын, 4279 бала пентавакцинаны, 7469 бала пневмококк вакцинасын жана 5886 бала ротавирус вакцинасын алышты.
📉 2020-2024-жылдары 90 000ге жакын бала АКДС-3 эмдөө курсун аяктаган эмес, 2024-жылдын жыйынтыгы боюнча 22 060 бала эмделбей калды, алардын дээрлик жарымы бир жашка чыга элек.
🙏 Негизги себептердин бири – диний ишенимдер боюнча баш тартуу.
🚐 Кампаниянын чаралары алыскы аймактарда көчмө эмдөөлөрдү, ата-энелер менен жолугушууларды жана жарандык коомдун катышуусунда маалыматтык акцияларды камтыйт.
🏥 Кыргыз Республикасынын Саламаттыкты сактоо министрлиги ата-энелерди жакынкы медициналык мекемелерге кайрылып, эмдөөлөрдүн графигин тактоого жана балдарын өз убагында эмдетүүгө чакырат.