Жогорку Кенештин спикери Нурланбек Тургунбек уулу Индиянын Кыргызстандагы элчиси Бирендер Сингх Ядав менен жолугушуп, эки өлкөнүн саясий, экономикалык жана маданий байланыштарын талкуулады. Кыргызстан Индия менен бардык тармактарда кызматташууга кызыкдар экенин белгилеп, билим берүү жана саламаттыкты сактоо тармагындагы кызматташтыкты артыкчылыктуу деп атады. Элчи Ядав Индия менен Кыргызстандын ортосундагы соода байланыштарын күчөтүү максатын баса белгиледи.
🇰🇬 Жогорку Кенештин спикери Нурланбек Тургунбек уулу Индиянын Кыргызстандагы элчиси Бирендер Сингх Ядав менен жолугушту. Жолугушууда эки өлкөнүн саясий, экономикалык, маданий жана гуманитардык байланыштарын өнүктүрүү маселелери талкууланды.
🤝 Нурланбек Тургунбек уулу жаңы элчи Бирендер Сингх Ядавды Кыргызстандагы дипломатиялык ишмердүүлүгүнүн башталышы менен куттуктап, анын тажрыйбалуу дипломат катары эки тараптуу мамилелерди жаңы деңгээлге чыгарууга салым кошоруна ишеничин билдирди.
📈 Кыргызстан Индия менен бардык багыттар боюнча кызматташууга кызыкдар экенин белгилеп, соода көлөмүн көбөйтүү жана экономикалык байланыштарды бекемдөө маанилүү экенин айтты.
🎓 Кыргызстанда көптөгөн индиялык студенттер билим алып жатканы, билим берүү жана саламаттыкты сактоо тармагындагы кызматташтык артыкчылыктуу багыттар бойдон кала берээри баса белгиленди.
🗣️ Парламенттер аралык кызматташтык маселесине токтолуп, Индиянын парламентаризм боюнча бай тажрыйбасы бар экенин, тажрыйба алмашуу жана байланыштарды бекемдөө үчүн өз ара визиттерди жана жогорку деңгээлдеги жолугушууларды үзгүлтүксүз өткөрүү зарыл экенин айтты.
🇮🇳 Элчи Бирендер Сингх Ядав Кыргызстандагы дипломатиялык ишмердүүлүгүнүн артыкчылыктуу багыттары жөнүндө айтып, парламенттер аралык байланыштарды бекемдөө боюнча сунуштары менен бөлүштү. Индиянын Кыргызстан менен бардык багыттар боюнча кызматташууга кызыкдар экенин, негизги максат соода байланыштарын көбөйтүү экенин баса белгиледи.