Яңыраҡ Өфөнөң Совет майҙанында махсус хәрби операция ветерандарына автомобилдәр асҡыстары тапшырҙылар. Шуларҙың араһында Салауат ҡалаһында йәшәгән Әсғәт Ғибатуллин да бар ине. Ул 2023 йылда Оборона министрлығы менән контракт төҙөй. Хәрби бурысты үтәгәндә ауыр йәрәхәттәр ала һәм ике аяғынан да яҙа. Һигеҙ ай буйы госпиталдәрҙә, реабилитация үҙәктәрендә ята. Егет бер ниндәй ауырлыҡтарға ҡарамай, өйөнә ҡайта, протездарға баҫа һәм тормоштан йәм табып йәшәй башлай. –Был хәл тормошомдо үҙгәртте, ике аяҡһыҙ ҡалыу хәрәкәтләнеүҙе сикләне, магазиндарға барыу, туғандар менән аралашыу ҡыйынлашты, – тип хәтерләй Әсғәт Ғибатуллин. Тик яугир төшөнкөлөккә бирелмәй, хәл итеү юлдарын эҙләй. Ул Салауат ҡалаһы ветерандарынан беренсе булып, дәүләт ярҙамынан – номиналы 50 мең һумға тиклем тәшкил иткән белем биреү социаль сертификатынан файҙалана һәм ҡул менән идара ителеүсе “В” категориялы водитель танытмаһы ала. – Бер айлыҡ курстан һуң мин автомобиль руле артына ултырҙым. Тәүге көндәр анһат ҡына булманы.Шу