Париждеги Лувр музейи француз королевасынын зер буюмдары уурдалгандан эки күндөн кийин кайра ишке кирди. Ограбленген зал жабык бойдон калууда. Франциянын прокуратурасы бул окуяны иликтөөдө.
🖼️ Париждеги Лувр музейи эки күндүк тыныгуудан кийин кайрадан ишке кирди. Бул тыныгуу музейден француздардын королева жана императорлорунун зер буюмдары уурдалгандан кийин болгон.
👥 22-октябрь күнү эртең менен музейдин алдында 100дөн ашуун киши кезек күткөн. Музей кадимки убакта, жергиликтүү убакыт боюнча саат 9:00дө ачылды.
🚪 Уурулук болгон зал жабык бойдон калат, ал эми калган бөлүктөрү кадимки тартипте иштейт. Музейдин кызматкерлери жетекчиликтен кошумча көрсөтмөлөрдү күтүп жатышат.
💍 Франциянын Маданият министрлиги 19-октябрда Луврдан сегиз зер буюм, анын ичинде таажылар, сөйкөлөр, шурулар жана брошьтар уурдалганын билдирген.
🔍 Париж прокуратурасы окуя боюнча эки негизги версияны карап жатат: уурулук буйрутма менен же акча адалдоо максатында жасалган болушу мүмкүн. Прокурор Лор Бекконун айтымында, “чет элдик из” версиясы артыкчылыкка ээ эмес.
🚓 Франциянын Ички иштер министри Лоран Нуньес кылмышкерлер музейге терезе аркылуу кирип, автовышкадагы тепкичти колдонуп, айнекти болгарка менен кесип, скутерлер менен качып кетишкенин билдирди.
🏛️ 1793-жылы негизделген Лувр, мурдагы падышалык резиденция, дүйнөдөгү эң көп зыярат кылынган музей бойдон калууда.