6 пине яхăн ыйту килнӗ
Кăçал Тутарстанра «Халăх контролӗ» системăна 6 пине яхăн ыйту килнӗ. Çакăн пирки журналистсене ТР Раисӗн Коррупцие хирӗçле политикин ыйтăвӗсемпе ӗçлекен управленийӗн уйрăм заведующийӗ Равия Шрша пӗлтернӗ.
«6 пине яхăн ыйтуран 2228-шне татса панă, 1679-шне пурнăçа кӗртме планланă, 258 ыйтăва тивӗçтерме çук тесе хурав панă, тепӗр 1614-шӗ хальлӗхе ӗçре», – тесе пӗлтернӗ вăл.
Килнӗ ыйтусенчен пысăк пайӗ территорисене хăтлăрах тăвассипе çыхăннă. Çулсене юсассипе, урамра çутă юписем лартассипе те ыйтусем чылай.
