Рогейн "Идем сеянь тердема" Пенза-со
Веенст ломатне конат лангозом сермадозь а чарькодьсызь мезе таго сёрмадынь. Омобцтне, кие чарькоди, налкстасть монь чийнематнеде а кармить ловномояк. Ансяк кода мерць В. Шукшин " Ярмактне пицить пильге пукшонть. Оймесь веше кеняркс чи!" Истя моньгак. Келенть пицить валт. Потмось учи шнамо пря.
А кода лиякс? Пелькстыник Анна Петухова марто, кона ялгандо марто тедиде Испания-со изнясь весе масторонть рогейн-сэ чийницятнень! Содынек, пек малав сон киньгак анолдасы тесеяк, сайсы васенце тарканть минек Пензасояк. Ялатеке минь молинек токавтовомс истямо содавкс ёроков ломань марто, паро ёжо мельга ды аламошка невтемс эсь прянок.
Весе мезе минь сыргинек теемс топавтовсь. Ёжонок кепединек мазый перьтьпельксэ, ванькс коштсо, сёксень лембе чисэ. Неинек вирень ракшат - кавто покш сярдот. Кавксть эшксевинек Екатерина мартояк. Омбоцеде зярдо чииник финиш лангс. Чиинек вейке пильгсэ мартост, эзинек каднов мик кавто вайгельбет.
