Бишкекте И.Ахунбаев атындагы КГМАнын мыйзамсыз менчиктештирилген жер тилкеси мамлекетке кайтарылды. Бул аймак 1998-жылы жеке менчикке өткөрүлгөн, эми кайра мамлекеттик менчикке берилди.
🏢 Бишкек шаарында Кыргыз мамлекеттик медициналык академиясына таандык болгон мыйзамсыз менчиктештирилген жер тилкеси кайрадан мамлекеттик менчикке кайтарылды.
📜 1998-жылы Кыргыз мамлекеттик медициналык академиясына таандык жер тилкеси жана анын үстүндөгү имарат мыйзамсыз жеке менчикке өткөрүлгөнү аныкталды.
🛑 Кыргыз Республикасынын «Билим берүү жөнүндө» мыйзамынын 43-беренесинин 6-абзацына ылайык, мамлекеттик билим берүү мекемелеринин имараттары, жер тилкелери жана материалдык-техникалык базасы менчиктештирүүгө жатпайт.
🤝 Жер тилкесинин учурдагы ээси аны ыктыярдуу жана акысыз түрдө Мамлекеттик мүлктү башкаруу боюнча мамлекеттик агенттиктин балансына өткөрүп берди.
🔍 Мамлекеттик коопсуздук боюнча улуттук комитети мыйзамсыз менчиктештирилген социалдык инфраструктура объекттерин мамлекеттин балансына кайтаруу боюнча активдүү иш-аракеттерди улантууда.