Шигъри мизгелләр📖
🍂🍂🍂
Торналарны җырлап озаттым
Көтмәсәң дә килеп җитәсең бит,
Алтын толымнарга уралып.
Нигә болай уйга калдым әле,
Офыкларга карап моңаеп.
Торналарның моңсу тавышлары
Чакырамы әллә? Алданма!
Алар мине яшьлегемә илтмәс,
Алып кайтмас кабат язларга.
Күкләр иңләп, тезем-тезем булып,
Төркем-төркем оча торналар.
Күңелемдә торналардан откан
Минем шундый моңлы җырым бар.
Сизмәдем дә, көзләр кочагында,
Төсләр арасында адаштым.
Офыклардан күзем алалмыйча,
Торналарны җырлап озаттым.
📝Георгий Ибушев
📸: Алиса Ахметшина
