13 подписчиков

🔺TDTU Atrof muhit gigiyenasi kafedrasida “O‘zbek tili bayrami kuni”ga bag‘ishlangan tadbir o‘tkazildi

21 октября 202521 окт 2025

1 мин

🔺TDTU Atrof muhit gigiyenasi kafedrasida “O‘zbek tili bayrami kuni”ga bag‘ishlangan tadbir o‘tkazildi. 🔺O‘zbekistonning “Davlat tili to‘g‘risida”gi qonuni 1989 yil 21 oktyabrda – Mustaqilligimiz e’lon qilinishidan taxminan ikki yil ilgari qabul qilingan. O‘zgartish va qo‘shimchalar kiritib, uning yangi tahriri 1995 yil 21 dekabrda tasdiqlangan. O‘zbekiston Respublikasida davlat tilini o‘rganish uchun barcha fuqarolarga shart-sharoit hamda uning hududida yashovchi millatlar va elatlarning tillariga izzat-hurmat bilan munosabatda bo‘lish ta’minlanadi, bu tillarni rivojlantirish uchun shart-sharoit yaratiladi. 🔺O‘zbekiston Respublikasi Prezidenti 2019 yil 21 oktyabrda qabul qilgan “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi farmonga binoan, 21 oktyabr tarixiy sanasi – O‘zbek tili bayrami kuni deb belgilandi. 🔺Hozirgi kunda Yangi O‘zbekistonni barpo etishga qaratilgan ezgu intilish va harakatlarimiz hal qiluvchi bosqichga

🔺TDTU Atrof muhit gigiyenasi kafedrasida “O‘zbek tili bayrami kuni”ga bag‘ishlangan tadbir o‘tkazildi.

🔺O‘zbekistonning “Davlat tili to‘g‘risida”gi qonuni 1989 yil 21 oktyabrda – Mustaqilligimiz e’lon qilinishidan taxminan ikki yil ilgari qabul qilingan. O‘zgartish va qo‘shimchalar kiritib, uning yangi tahriri 1995 yil 21 dekabrda tasdiqlangan.

O‘zbekiston Respublikasida davlat tilini o‘rganish uchun barcha fuqarolarga shart-sharoit hamda uning hududida yashovchi millatlar va elatlarning tillariga izzat-hurmat bilan munosabatda bo‘lish ta’minlanadi, bu tillarni rivojlantirish uchun shart-sharoit yaratiladi.

🔺O‘zbekiston Respublikasi Prezidenti 2019 yil 21 oktyabrda qabul qilgan “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi farmonga binoan, 21 oktyabr tarixiy sanasi – O‘zbek tili bayrami kuni deb belgilandi.

🔺Hozirgi kunda Yangi O‘zbekistonni barpo etishga qaratilgan ezgu intilish va harakatlarimiz hal qiluvchi bosqichga ko‘tarilmoqda.Bu yo‘lda milliy o‘zligimiz, g‘urur-iftixorimiz timsoli bo‘lgan ona tilimiz, hech shubhasiz, beqiyos kuch-qudrat va ilhom manbai bo‘lib xizmat qiladi.

🔻Bu haqda so‘z borganda, Prezidentimizning 2020 yil 20 oktyabrda imzolangan «Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida»gi farmoni alohida e’tiborga sazovorligini ta’kidlash lozim. Mazkur hujjatda o‘zbek tilining xalqimiz ijtimoiy hayotida va xalqaro miqyosdagi obro‘-e’tiborini tubdan oshirish, unib-o‘sib kelayotgan yoshlarimizni vatanparvarlik, milliy an’ana va qadriyatlarga sadoqat ruhida tarbiyalash, mamlakatimizda davlat tilini to‘laqonli joriy etishni ta’minlashga doir istiqboldagi vazifalar ko‘zda tutilgan.

Har birimiz davlat tiliga bo‘lgan e’tiborni – mustaqillikka bo‘lgan e’tibor deb, davlat tiliga ehtirom va sadoqatni – ona Vatanga ehtirom va sadoqat deb bilishimiz, shunday qarashni hayotimiz qoidasiga aylantirishimiz zarur!

✅Rasmiy sahifalarimiz