Ош шаарында көп кабаттуу үйдө чыккан өрт 1895 чарчы метр аянтты камтыды жана толугу менен өчүрүлдү. Жабыркагандар жок. Мэрия кырсыктын кесепеттерин жоюу үчүн чараларды көрүп, президент Садыр Жапаровдун тапшырмасы менен жабыркаган аймактарды калыбына келтирүү иштерин шаардык бюджеттен каржылайт.
🔥 Ош шаарында көп кабаттуу үйдө чыккан ири өрт толугу менен өчүрүлдү.
🚒 Өрт 19-октябрда саат 16:00гө карата толугу менен өчүрүлүп, жалпы аянты 1895 чарчы метрди түздү. Жабыркагандар жок.
👨🚒 Өрттү өчүрүүгө сегиз өрт өчүрүүчү топ, эки автосаты, КРнын Өзгөчө кырдаалдар министрлигинин кризистик кырдаалдарды башкаруу борборунун оперативдүү тобу, шаардык куткаруу кызматынан төрт куткаруучу жана штаб тартылган. Иш-чарага ИИМдин кызматкерлери жана тез жардам бригадалары да катышты.
👷♂️ Ош шаарынын мэри Женишбек Токторбаев тиешелүү кызматтар менен биргеликте окуя болгон жерде өрттүн кесепеттерин жоюу боюнча көчмө жыйын өткөрдү.
🏢 Ош шаарынын мэриясынын маалыматы боюнча, тургундар менен болгон жолугушууда президент Садыр Жапаров мэрияга кырдаалды толук көзөмөлгө алууну тапшырган. Шаардык бюджеттен чатырды жана жабыркаган батирлерди калыбына келтирүү үчүн каражат бөлүнөт.