Мәшһүр Мостай рухына бағышлап

20 октябрҙә Башҡортостандың халыҡ шағиры, Социалистик Хеҙмәт Геройы Мостай Кәримдең тыуыуына 106 йыл тула. Өфөлә ошо иҫтәлекле дата айҡанлы, тантаналы саралар үтәсәк. Спектаклдәр премьераһы, фильмдар күрһәтеү, әҙәби-ижади конкурстар һәм, әлбиттә, 20 октябрҙә Мостай Кәрим һәйкәле янында буласаҡ осрашыу – унда ҡунаҡтарҙы Мостай Кәрим исемендәге Милли йәштәр театры актерҙары театрлаштырылған музыкаль-шиғри композиция менән ҡаршы аласаҡ. Һеҙҙе саралар исемлеге менән ҡыҫҡаса таныштырабыҙ: 18 октябрь 18: 00 – Өфөнөң «Нур» татар театры сәхнәһендә Мостай Кәрим пьесаһы буйынса «Йәйәүле Мәхмүт» спектакленең премьераһы. 12 -19 октябрь I халыҡ-ара “Ҡолонсаҡ” балалар һәм йәштәр өсөн спектаклдәр фестивале. Жюри, тәнҡитселәр менән осрашыуҙар, семинарҙар, спектаклдәр ҡарау. Мостай Кәрим исемендәге Милли йәштәр театры. 20 октябрь 12: 00 – Башҡортостандың халыҡ шағиры Мостай Кәрим бюсына сәскәләр һалыу. М. Аҡмулла исемендәге Башҡорт дәүләт педагогия университеты студенттарының һәм уҡытыусыларының Мостай Кәрим исемендәге фонд директоры Әлфиә Кәримова менән осрашыуы 14: 00 - Өфөләге Мостай Кәрим исемендәге скверҙа Мостай Кәрим һәйкәленә сәскәләр һалыу тантанаһы. Мостай Кәрим исемендәге Милли йәштәр театры актерҙарының театрлаштырылған музыкаль-шиғри композицияһы. 16: 00 – Өфө фән һәм технологиялар университетының башҡорт филологияһы, шәрҡиәт һәм журналистика факультетының иң яҡшы студенттарына Мостай Кәрим исемендәге гранттар тапшырыу тантанаһы (Өфө, Вәлиди урамы, 32, Мостай Кәрим исемендәге ижади оҫтахана - башҡорт телен һәм әҙәбиәтен өйрәнеү үҙәге). 19:00 – “Беҙҙең өйҙөң йәме” спектакле. Мостай Кәрим исемендәге Милли йәштәр театры. 21 октябрь 11: 00 – Башҡортостандың халыҡ шағиры Мостай Кәрим барельефына сәскәләр һалыу. Өфө ҡалаһы Киров районы хакимиәте (Энгельс урамы, 5). 13: 00 – Мостай Кәрим исемендәге 158-се Башҡорт гимназияһының иң яҡшы уҡыусыларына Мостай Кәрим исемендәге гранттар тапшырыу (Өфө ҡалаһы, Заһир Исмәғилев урамы, 1). 22 октябрь 11: 00 – Келәш ауылында Мостай Кәримдең 106 йыллығына арналған сара (Шишмә районы, Келәш ауылы, Мостай Кәрим урамы, 11). 14: 00 – М.Кәрим исемендәге 158-се башҡорт гимназияһында (Өфө ҡалаһы, Заһир Исмәғилев урамы, 1) Башҡортостандың халыҡ шағиры Мостай Кәримгә арналған «Мостай уҡыуҙары» төбәк-ара әҙәби-ижади конкурсына йомғаҡ яһау һәм еңеүселәрҙе бүләкләү. 23 октябрь 12: 00 – Мостай Кәрим исемендәге фонд директоры Әлфиә Кәримованың Мостай Кәримдең тыуыуына 106 йыл тулыуға арналған 35-се гимназия уҡыусылары менән осрашыуы (Өфө, Ғафури урамы, 7). 25 октябрь 13: 00 - «Пушкин, Туҡай, Кәрим» балалар һүрәттәре конкурсының ижади эштәр күргәҙмәһен асыу һәм Мостай Кәрим исемендәге Милли йәштәр театрында (Өфө, Ленин урамы, 62) еңеүселәрҙе бүләкләү тантанаһы. «Әлфиә хикәйәләре» спектаклен күрһәтеү, М. Кәрим исемендәге фонд исеменән «Әлфиә хикәйәләре» дипломдары һәм китаптары менән бүләкләү. Әйткәндәй, быйыл «Пушкин, Туҡай, Кәрим» конкурсында 111 йәш рәссам ҡатнашҡан. Уларҙың 25-е – финалсы. Фото: mustai.ru