Рәсәй Хөкүмәте беҙҙең илдә гражданлыҡ хоҡуғы булмаған сит ил кешеләренә ваҡытлыса йәшәү өсөн рәхсәт биреү квотаһын билдәләне. Башҡортостан өсөн ул киләһе йылда 100 дананан да артмаҫҡа тейеш, йәғни быйылғы йыл кимәлендә ҡала. Ә 2024 йыл менән сағыштырғанда был күрһәткес 2,5 тапҡырға аҙыраҡ – ул осорҙа 250 рөхсәт биреү ҡаралған икән, 2023 йылда иһә 500 рөхсәт булған. Ваҡытлыса йәшәргә рөхсәт өс йылға бирелә. Ҡайһы бер сит ил кешеләренә ул квотанан тыш та бирелергә мөмкин – ҡасаҡтарға, Рәсәйҙә хәрби хеҙмәткә ингәндәргә, шулай уҡ Ҡаҙағстан, Украина һәм Молдова граждандарына, Рәсәйҙә даими йәшәгән граждандың сит илдән килгән ҡатынына (иренә) һәм балаларына. Фото: социаль селтәрҙән.