Бүткүл дүйнөлүк банк маалыматына ылайык, Кыргыз Республикасында кедейлик деңгээли 2022-жылдагы 22,1%дан 2024-жылы 12,1%га чейин төмөндөдү. Экономикалык өсүш, социалдык коргоо программалары жана пенсиялардын жогорулашы бул ийгиликтерге түрткү болду. Бирок, ВВП өсүшүнүн басаңдашы кедейликти андан ары кыскартууну чектеши мүмкүн. Жаңы жумуш орундарын түзүү жана өндүрүш секторун өнүктүрүү негизги факторлор бойдон калууда.
🌍 Бүгүн дүйнө жүзү боюнча Жакырчылыкка каршы күрөшүүнүн эл аралык күнү белгиленүүдө. Кыргызстан жакырчылыкты кыскартууда олуттуу ийгиликтерге жетишти.
📉 Эл аралык чен-өлчөм боюнча күнүнө $4,2 киреше менен жашаган адамдардын саны 2022-жылы 22,1% болсо, 2024-жылы 12,1% чейин азайды. Болжолдор боюнча, 2025-жылы бул көрсөткүч 9,5% чейин, ал эми 2026-жылы 8% чейин төмөндөйт.
📈 Экономикалык туруктуу өсүү, мамлекеттик социалдык коргоо программаларынын ишке ашырылышы жана пенсиялык төлөмдөрдүн жогорулашы оң динамикага шарт түздү.
⚠️ Бирок, ИДПнын өсүү темпинин жайлашы жакырчылыктын мындан ары кыскарышын чектеп коюшу мүмкүн. Ошондуктан, жаңы жумуш орундарын түзүү жана өндүрүш секторун өнүктүрүү прогрессти улантуунун негизги факторлору бойдон калууда.
💼 Азыркы учурда Кыргыз Республикасында Дүйнөлүк банктын программасынын алкагында инфраструктура жана саламаттык сактоо тармагынан тартып, билим берүү жана санариптештирүүгө чейин ар кандай социалдык-экономикалык багыттарды модернизациялоого жана өнүктүрүүгө багытталган 27 долбоор каржыланууда.
🌱 Дүйнөлүк банктын миссиясы — өтө жакырчылыкты жоюу жана жашоого ыңгайлуу планетада жалпы жыргалчылыкты жогорулатуу.