Джалал-Абад филармониясынын «Мөлмөл» оркестри Индиянын демилгеси менен өткөн IX Эл аралык элдик фольклордук аспаптар фестивалында элдик чыгармаларды аткарып, фестивалдын лауреаты аталды.
🎶 Джалал-Абад облустук филармониясынын «Мөлмөл» элдик аспаптар оркестри Индияда өткөн IX Эл аралык элдик фольклордук аспаптар фестивалына катышты.
🌍 Фестиваль Индия өкмөтүнүн демилгеси менен Дели, Чандигарх жана Дехра-Дун шаарларында жогорку деңгээлде уюштурулду.
🎤 Иш-чарага Израиль, Армения, Лаос, Индонезия жана Мальдивдер сыяктуу 13 өлкөнүн фольклордук музыкалык топтору катышты.
🎵 Кыргыз артисттери элдик чыгармаларды жана “Танцор диско” тасмасынан Goro Ki Na Kalo Ki композициясын аткарып, көрүүчүлөрдүн өзгөчө сүймөнчүлүгүнө ээ болушту.
🏆 Бул фестиваль атаандаштык мүнөзгө ээ болбостон, элдик музыкалык мурастарды жайылтууга багытталган. Бардык катышуучуларга сертификаттар тапшырылды жана «Мөлмөл» оркестри фестивалдын лауреаты наамын алды.