Бишкекте өткөн Азия Кубогуна (U-17) тандоо оюнунда Кыргызстандын кыздар курамасы Өзбекстандын командасын 2:1 эсебинде жеңип алды. Голдорду Сумаййа Махаматсалиева жана Акмарал Саякбаева киргизди.
⚽️ Бишкекте Д. Омурзаков атындагы стадиондо 15-октябрда Кыргызстан менен Өзбекстандын улуттук курама командаларынын ортосунда Азия Кубогуна (U-17) тандоо оюну болуп өттү. Кыргызстандык кыздар жеңишке жетишип, эсеп 2:1 болду.
🥅 Кыргызстандын курамасында Сумаййа Махаматсалиева 35-мүнөттө, ал эми Акмарал Саякбаева 49-мүнөттө гол киргизди.
🌍 Азия Кубогунун тандоо этабына жалпысынан 27 улуттук команда катышып, алар сегиз топко бөлүнгөн. Ар бир топтон мыкты командалар гана 2026-жылы Кытайда өтө турган финалдык бөлүккө чыгат.
👥 Кыргызстандын 17 жашка чейинки кыздар курамасы испаниялык машыктыруучу Антонио Месанын жетекчилиги астында G тобунда Индия жана Өзбекстан командалары менен бирге ойнойт.
🏆 Кыргызстандык кыздардын жеңиши келечектеги ийгиликтерге чоң үмүт берет.