Кыргызстандын Улуттук китепканасында 21-22-октябрда өтө турган эл аралык мастер-класста кыргызстандык жаштар уличный театрдын заманбап формалары жана дүйнөлүк тажрыйба менен таанышат.
🎭 Улуттук китепканада 2025-жылдын 21-22-октябрында «Көчө театрынын искусствосу: жаңы ыкмаларды жана дүйнөлүк тенденцияларды изилдөө» аттуу эл аралык театр мастер-классы өтөт.
🌍 Бул иш-чаранын максаты – кыргызстандык чыгармачыл жаштарды заманбап көчө театрынын формалары жана бул тармактагы алдыңкы дүйнөлүк тажрыйбалар менен тааныштыруу.
🎭 Мастер-классты Польшанын «Сегизинчи күн» театрынын негиздөөчүсү, актер жана режиссер Адам Боровски жана маданият таануучу Йоланта Килиандар өткөрөт.
🕒 Сабактар саат 11:00дөн 14:00гө чейин өтүп, катышуучулар көчө спектаклдерин уюштуруунун принциптери, сахналык кыймыл, көрүүчүлөр менен түз байланыш жана жандуу перформанстарды түзүү жөнүндө маалымат алышат.
🎓 Программага теориялык лекциялар жана практикалык сабактар кирет.
🎭 Театр ишмерлери, режиссерлор жана маданий уюмдардын өкүлдөрү катышууга чакырылат.