Саламаттыкты сактоо министри Эркин Чечейбаев Кыргызстандын курортология жана калыбына келтирүү институтуна барды. Ал реабилитацияны өнүктүрүү жана жаңы методдорду киргизүү зарылдыгын белгилеп, аутизм жана башка өнүгүү бузулуулар менен ооруган балдар үчүн программаларды баса белгиледи.
🌿 Кыргыз Республикасынын Саламаттык сактоо министри Эркин Чечейбаев Кыргыз курортология жана калыбына келтирүү дарылоо илимий-изилдөө институтуна барды. Институт өлкөдө калыбына келтирүү жардамын көрсөтүү жана курортология боюнча илимий изилдөөлөрдү жүргүзүүдө алдыңкы орунда турат.
🧠 Министр институттун неврология, вертеброневрология, ортопедия жана калыбына келтирүү дарылоо бөлүмдөрүнүн ишмердүүлүгү менен таанышып, инсульт, жаракат, операциялардан кийин жана кыймыл аппараты, неврологиялык бузулуулар менен жабыркаган бейтаптардын дарылануусуна өзгөчө көңүл бурду.
📚 Институттун ишмердүүлүгүндө илимий жана методикалык багытка басым жасоо зарылдыгы белгиленди. Министр бул мекеме реабилитация жана калыбына келтирүү дарылоо боюнча өлкөдөгү бардык кызматтарды бириктирип, багыттоочу илимий-методикалык жана билим берүү борбору болушу керектигин баса белгиледи.
👶 Балдардагы аутизм спектринин бузулууларын дарылоого өзгөчө көңүл буруу керектиги айтылды. Бул багытта илимий негизделген методикаларды киргизүү жана приоритеттүү көңүл буруу зарыл.
🛠️ Реабилитациялык кызматты өнүктүрүү концепциясын иштеп чыгууга активдүү катышуу жана аймактык борборлорго методикалык колдоо көрсөтүү боюнча конкреттүү тапшырмалар берилди.
🎯 Институтка реабилитациялык кызматты өнүктүрүү боюнча стратегиялык багыттарды жана максаттуу көрсөткүчтөрдү иштеп чыгууга өзүнүн илимий-методикалык сунуштарын берүү тапшырылды. Ошондой эле, курортология жана калыбына келтирүү дарылоо боюнча заманбап методикаларды киргизүү жана адистерди окутуу боюнча иштерди күчөтүү зарылдыгы белгиленди.