Оҕолорбут суруйаллар
Сибэкки аргыстаах тапталлаах ийэбит
Мин тапталлаах ийэм Светлана Васильева туһунан кэпсиэм. Кини кыра эрдэҕиттэн ииһинэн астынан дьарыктанар.Оскуолаҕа үөрэнэ сылдьан спортсменка бэрдэ эбит этэ. Хайыһарынан, волейболунан, спорт уонна да атыцн көрүҥнэринэн умсугуйан туран дьарыктаммытын истибитим.
Билигин кини түөрт оҕо ийэтэ, кэрэчээн үс сиэн эбээтэ. Ийэбит миньигэс астаах дьиэ кэргэн хаһаайката, иистэнньэҥ бэрдэ. Хоруомканан киэргэллэри оҥорор, сайын оҕуруотунан дьарыктанар, сибэкки кэрэтин олордор. 2017 сыллаахха ийэбит массыына ыытар быраабы ылан турар, тугу барытын сатыыр үлэһит, барыбытыгар холобур буолар күндү киһибит. Киэн туттабыт, таптыыбыт!
Күннэй Васильева, М.Е. Васильева аатынан 2-Малдьаҕар орто оскуолатын тохсус кылааһын үөрэнээччитэ.
