МХО яугире Динар – “Таймаҫ”ҡа 29 йәш, ул – гранатометсы. Мәктәпте тамамлағас, Мәләүездәге училищела уҡып, тракторсы-машинист һөнәренә эйә булған, унан инде хәрби хеҙмәткә юлланған. Әрме һынауын Мәскәүҙә һәм Түбәнге Новгородта үтә. Йәш кенә булыуына ҡарамаҫтан, Динар – өс бала атаһы. Улына – алты, ҡыҙҙарына дүрт һәм бер йәш. “Күп балалы атай булараҡ, хәрби хеҙмәттән кисектереү алыу мөмкинлеге булманымы?” – тип һорайым. – Бәләкәй ҡыҙым мин бында саҡта тыуҙы. Кисектереү тураһында нисектер уйламаныҡ та, юлламаныҡ та. Егеттәр менән бер ғаилә кеүек тупланғанбыҙ, бер-беребеҙгә өйрәнгәнбеҙ. Юллаған хәлдә лә, яуҙаштарымды ташлап ҡайта алмаҫ инем, улай дөрөҫ тә булмаҫ ине, – ти “Таймаҫ”. Бындағы шарттар, нимәгә мохтаж булыуҙары менән ҡыҙыҡһынам. – Матди тәьминәт насар түгел. Ял эләккәндә йыуынып, өҫ-башыбыҙҙы ҡарарға тырышабыҙ. Республика, район, ауыл халҡы ныҡ ярҙам итә. Уларҙың хәстәрлеген тойоу көс бирә, тимәк, беҙ яңғыҙ түгелбеҙ, тигән ышаныс арта, – тип яуапланы яугир. Гранатометсы булараҡ