Бишкек шаарынын мэри Айбек Жунушалиев Ататүрк паркындагы реконструкция иштерин текшерип, жөө жана чуркоо жолдорун кеңейтүү, жашылдандырууну жакшыртуу жана эс алуу аймактарын түзүү боюнча тапшырмаларды берди.
🌳 Бишкек шаарынын мэри Айбек Жунушалиев 12-октябрда М.К. Ататүрк атындагы парктагы реконструкция жана жакшыртуу иштери менен таанышуу үчүн көчмө жыйын өткөрдү.
🏃♂️ Жаңы жөө жана чуркоо жолдорунун курулушу менен таанышкан мэр чуркоо зонасын кеңейтүү мүмкүнчүлүгүн карап чыгууну тапшырды, бул паркты спорттук иш-чаралар жана массалык чуркоолор үчүн ыңгайлуу мейкиндикке айландыруу максатында.
🌱 Жашылдандыруу жана өсүмдүктөрдү кароо маселелерине өзгөчө көңүл бурулду. «Бишкекзеленстрой» муниципалдык ишканасына өсүмдүктөрдү сугаруу жана кароо иштерин активдештирүү тапшырылды.
💡 Паркта сапаттуу жарыктандыруу, заманбап сугаруу системасы жана ыңгайлуу эс алуу зоналарын түзүү зарылдыгы белгиленди. Парк бардык курактагы шаар тургундары үчүн коопсуз, функционалдуу жана жайлуу эс алуу жайы болушу керек.
🛠️ Шаардык кызматтардын жетекчилерине жана Октябрь акимиатына реконструкциянын жүрүшүн тыкыр көзөмөлдөп, бардык этаптардын өз убагында аякташына кам көрүү тапшырылды.