Toshkent davlat tibbiyot universiteti “Oilaviy tibbiyotda bolalar kasalliklari” kafedrasi xodimlarining 1-son Respublika Abu Ali ibn Sino nomidagi Jamoat salomatligi texnikumiga navbatdagi tashrifi.
🔺2025-yil 11-oktyabr kuni Toshkent davlat tibbiyot universitetining “Oilaviy tibbiyotda bolalar kasalliklari” kafedrasi professor-o‘qituvchilari- professor Karimdjonov I.A., katta o‘qituvchi Karimova B.N. va assistent Sadikova N.B. 1-son Respublika Abu Ali ibn Sino nomidagi Jamoat salomatligi texnikumiga tashrif buyurdilar.
🔺Tashrif davomida kafedra xodimlari tomonidan texnikum o‘qituvchilari uchun zamonaviy pedagogik texnologiyalar bo‘yicha master-klass o‘tkazildi. Tadbirda o‘quv jarayonini samarali tashkil etish, innovatsion yondashuvlardan foydalanish bo‘yicha tajriba almashildi.
🔻Shuningdek, “Pediatriyada hamshiralik ishi” kafedrasi o‘qituvchilari G. Sayidova va M. Teshayevalar bilan hamkorlikda “Pediatriya ishi” yo‘nalishining 23.2-guruh o‘quvchilari uchun “Xavfsiz immunizatsiya” mavzusida ochiq muloqot tarzidagi mahorat darsi o‘tkazildi. Darsda Davolash-1 fakultetining 619-602-b guruhi talabalari ham faol ishtirok etdilar.
🔺Mazkur mashg‘ulot davomida texnikum o‘quvchilari mavzuga oid dolzarb savollar bilan chiqib, mutaxassislar tomonidan to‘liq va asosli javoblar oldilar. Dars jarayonida zamonaviy axborot-kommunikatsiya texnologiyalaridan foydalanildi va mashg‘ulot yuqori saviyada tashkil etildi.
🔺Tashrif yakunida assistent Sadikova N.B. tomonidan texnikum o‘quvchilarining tibbiyot kasbiga oid qiziqishlarini qo‘llab-quvvatlash maqsadida kasbga yo‘naltirish ishlari olib borildi. Ularga Toshkent davlat tibbiyot universitetiga kirish tartib-qoidalari, qabul jarayonlari va talablar haqida batafsil ma’lumot berildi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
