🌺Сённая, 12 кастрычніка, прафесійнае свята адзначаюць работнікі культуры
«Культура — сімвал непарыўнай сувязі пакаленняў, любові да Радзімы, яе багатага мінулага і сучаснасці, — гаворыцца ў віншаванні кіраўніцтва раёна у адрас работнікаў і ветэранаў сферы культуры. — Гэты дзень аб’ядноўвае ўсіх, хто сваім майстэрствам і талентам захоўвае культурныя традыцыі, хто цалкам аддае сябе нялёгкай і высакароднай справе захавання і развіцця найбагацейшай спадчыны нашай краіны.
Вы дорыце людзям свята, прыўносіце ў наша жыццё мастацтва і творчасць, гармонію і прыгажосць. Дзякуючы вашай працы памятныя і святочныя даты становяцца яркімі падзеямі для землякоў і гасцей райцэнтра.
Асаблівыя словы падзякі — ветэранам сферы, якія ўнеслі неацэнны ўклад у станаўленне і развіццё культуры Бешанковіччыны. Вашы вопыт, талент і адданасць справе садзейнічаюць прымнажэнню і захаванню лепшых традыцый роднага краю, шматвяковых культурных і духоўных каштоўнасцей.
Дарагія сябры, жадаем усім вам і вашым сем’ям моцнага здароўя, міру і дабрабыту, творчага пошуку і невычэрпнай энергіі! Няхай вашымі нязменнымі спадарожнікамі будуць натхненне, поспех і новыя дасягненні!»
Раённы выканаўчы камітэт. Раённы Савет дэпутатаў.
