Мәләүез районының Смаҡ ауылында “Оҙайлы һәм әүҙем тормош” милли проектына ярашлы яңы модулле фельдшер-акушерлыҡ пункты асылды. Яңы ФАП заманса талаптарға һәм стандарттарға ярашлы урынлаштырылған. Ул халыҡҡа сифатлы медицина ярҙамы күрһәтеү өсөн бөтә тейешле ҡорамалдар менән йыһазландырылған. Фельдшер, процедура кабинеттары, ҡабул итеү, дарыуҙар һаҡлау өсөн бүлмәләр бар. Яңы бинала тәүге медицина ярҙамын Смаҡ ауылы халҡы – барлығы 323 кеше аласаҡ. – Был беҙҙең ауыл өсөн бик әһәмиәтле ваҡиға. Халыҡ диспансерлаштырыу үтеү, планлы, кисектергеһеҙ һәм ашығыс ярҙам алыу мөмкинлегенә эйә. Йәшәгән урынға яҡын ерҙә медицина ярҙамы алыу бик уңайлы буласаҡ, – ти 37 йылдан ашыу фельдшер булып эшләгән Наталья Семавина. “Оҙайлы һәм әүҙем тормош” проекты (нацпроект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған