Ош мамлекеттик университетинин индустриалдык-педагогикалык колледжи жаңы форматта иштей баштады. АБРдин каржылык колдоосу менен заманбап жабдуулар менен камсыздалып, билим берүү менен практикалык ишти айкалыштырган система киргизилди.
🎓 Ош мамлекеттик университетинин Индустриалдык-педагогикалык колледжи жаңы форматта иштей баштады.
🏢 Колледж заманбап жабдуулар менен камсыздалып, билим берүүнү практикалык иш менен айкалыштырган окутуу системасын киргизди.
💰 Бул долбоор Азия өнүктүрүү банкынын каржылык колдоосу менен ишке ашырылып, жалпы инвестициянын көлөмү 68 миллион сомду түздү.
🎓 Колледжде Азия өнүктүрүү банкы тарабынан каржыланган жети адистик боюнча даярдык көрүлөт, анын негизги максаты — заманбап кесиптик көндүмдөргө ээ, улуттук жана эл аралык стандарттарга жооп берген компетенттүү адистерди даярдоо.
🌍 Колледждин максаты — Кыргызстанда жана эл аралык деңгээлде таанылган жана атаандаштыкка жөндөмдүү билим берүү мекемеси болуу.
📈 Колледждин негизги милдеттери: коомдун жана өлкөнүн экономикасынын талаптарына жооп берген орто деңгээлдеги адистерди даярдоо; материалдык-техникалык базаны үзгүлтүксүз өнүктүрүү; мамлекеттик стандарттарга ылайык окутуу процессин жүргүзүү; иш берүүчүлөр жана кызыкдар тараптар менен социалдык өнөктөштүктү бекемдөө; бүтүрүүчүлөрдүн ишке орношуусуна көмөктөшүү жана студенттердин каржылык өз алдынчалыгы үчүн шарттарды түзүү.
🧵 Колледждин студенти Сезим Нурманбетова окууну иш менен айкалыштыруу мүмкүнчүлүгү жөнүндө айтып берди. Ал медициналык халаттарды тигүү менен айына 25 миң сомго жакын киреше табарын белгилеп, бул киреше окуу акысын төлөөгө жана үй-бүлөсүнө жардам берүүгө мүмкүндүк берерин айтты.