Элбэх оҕолоох ыалга олорор дьиэ уонна олох-дьаһах өҥөтүн төлөбүрүгэр 30%-наах чэпчэтиини хат ааҕыы туһунан🔔
ℹ️2024 сыл балаҕан ыйын 1 күнүттэн өрөспүүбүлүкэ элбэх оҕолоох ыаллара олорор дьиэ уонна олох-дьаһах төлөбүрүн 30%-нын толуйуутун ылар бырааптаахтар. Билигин ол толуйуу сыл түмүгүнэн бэриллиэхтээх толору сууматын ыларга хат ааҕыыга сайабылыанньа биэрэр кыах үөскээтэ.
Хат ааҕыы төрүөттэрэ:
➡️Олорор дьиэ уонна олох-дьаһах өҥөтүн (ЖКУ) сыллааҕы дьиҥнээх ороскуота толуйуу бастаан ананарыгар учуоттаммытынааҕар үрдүк буолбут буоллаҕына;
➡️Ааҕыы-суот көрдөрбүтүнэн, толуйуу төлөбүрэ тустаах кээмэйи аһара барбыт (переплата) буоллаҕына, толуйууну аныыр уорган төлөммүт үбү төттөрү ылар бырааптаах.
Хат ааҕыы түмүгэр толуйуу суумата улаатыан да, кыччыан да сөп.
👆Хат ааҕыы усулуобуйата:
➡️Бу төлөбүрү урут ылбыт ыаллар эрэ сайабылыанньа биэриэхтэрин сөп;
➡️Хат ааҕыы маннык ороскуоттарга оҥоһуллубат:
- Кытаанах оттугу (мас, чох) атыылаһыыга;
- Иһэр ууну таһыыга;
- Олох-дьаһах убаҕас тобоҕун (септиктэртэн) тиэйэн таһаарыыга.
📍Сайабылыанньаны биэриэххэ сөп:
➡️"Мин Докумуоннарым" киин нөҥүө
🕓Оҥоһуллар болдьоҕо – 14 үлэ күнэ ("Мин Докумуоннарым" киин нөҥүө оҥорорго эбии 3 үлэ күнэ бэриллэр).
Хат ааҕыы түмүгүнэн эбии төлөбүр толуйуу төлөбүрүн ыларга туттуллар банковскай счеткутугар биир төлөбүрүнэн ыытыллыаҕа диэн биллэрэбит✔️
💡Туһалаах ссылкалар:
➡️Элбэх оҕолоох ыалга олорор дьиэ уонна олох-дьаһах өҥөтүн төлөбүрүгэр 30%-наах чэпчэтии усулуобуйата
➡️Субсидия ааҕар калькуляторынан субсидия кээмэйин барыллаан билиҥ
📞Бары ыйытыыларга "Агентство субсидий" контакт-киинигэр бу нүөмэргэ эрийиҥ: 8-800-222-50-70.
🌐"Агентство субсидий" СӨ СХТ куйаар ситимнэрэ:
➡️Саайт
➡️Телеграм
Публикация на русском языке
#мин_төрүт_тылым
