Кыргызстанда климаттын өзгөрүшүнө туруктуу инфраструктураны жакшыртуу жана аялдар менен жаштар үчүн экономикалык мүмкүнчүлүктөрдү кеңейтүү максатында 27 миллион долларлык улуттук долбоор башталды.
🌍 Кыргызстанда «Жамааттар демилгеси боюнча улуттук долбоор» расмий түрдө башталды. Бул долбоорду Эл аралык өнүктүрүү ассоциациясы каржылайт.
💰 Долбоордун жалпы бюджети 27 миллион долларды түзөт. Анын максаты – айыл жергелерин өнүктүрүү, климаттын өзгөрүүсүнө туруктуу инфраструктураны жакшыртуу жана аялдар менен жаштар үчүн экономикалык мүмкүнчүлүктөрдү кеңейтүү.
📍 Ош облусунда долбоордун расмий башталышы болуп өттү. Иш-чарага облустук жетекчилер, район акимдери, жергиликтүү өз алдынча башкаруу органдарынын, жарандык коомдун жана бизнес чөйрөсүнүн өкүлдөрү катышты.
📋 Долбоорду координациялоо Кыргыз Республикасынын Экономика жана коммерция министрлиги тарабынан жүргүзүлөт, ал эми ишке ашыруу АРИС тарабынан башкарылат. Долбоор жамааттардын демилгелери негизиндеги өнүгүү ыкмасы (CDD) боюнча ишке ашырылат.
🤝 Иш-чаранын жүрүшүндө АРИС менен Ош облусундагы президенттин ыйгарым укуктуу өкүлчүлүгү жана райондук администрациялар ортосунда кызматташтык жөнүндө меморандумдарга кол коюлду.