Кыргыз Республикасынын президенти Садыр Жапаровдун "Улут деми — Уңгу жол" китебинин бет ачары Улуттук илимдер академиясында өттү. Китеп мамлекеттик башкаруу, улуттук баалуулуктар жана коомдун биримдиги тууралуу ой жүгүртүүлөрдү камтыйт.
📚 Президент Садыр Жапаровдун “Улут деми — Уңгу жол” китеби 7-октябрда Улуттук илимдер академиясында тааныштырылды.
👥 Иш-чарага мамлекеттик жана коомдук ишмерлер, окумуштуулар, чыгармачыл интеллигенция өкүлдөрү, студенттер жана ЖМК өкүлдөрү катышты.
🗣️ Салтанатты президенттин кеңешчиси Арслан Койчиев ачып, “Кыргыз Туусу” гезитинин башкы редактору Алмаз Кулматов китептин идеясы, максаттары жана мазмуну жөнүндө айтып берди.
📖 Мамлекеттик катчы Марат Иманкулов китептин коом үчүн маанилүү руханий мурас экенин белгиледи.
💬 Иш-чарада Кыргыз Республикасынын Баатыры Миталип Мамытов, мамлекеттик жана коомдук ишмерлер Абдылда Мусаев жана Амангелди Муралиев, Кыргыз улуттук агрардык университетинин студенти Талгартбек кызы Диана жана башкалар китеп тууралуу өз ойлорун бөлүшүштү.
📚 “Улут деми — Уңгу жол” китеби президент Садыр Жапаровдун мамлекеттүүлүк, улуттук баалуулуктар, коомдук биримдик жана өлкөнүн өнүгүү багыттары тууралуу маектерин, кайрылууларын жана ой жүгүртүүлөрүн камтыйт.
📜 Китеп мамлекеттик кызматкерлерге, коомдук ишмерлерге, окумуштууларга, жаштарга жана кеңири окурмандарга арналган.
✍️ Китептин демилгечилери: эл жазуучусу Арслан Койчиев, “Кыргыз Туусу” гезитинин башкы редактору Алмаз Кулматов жана президенттик администрациянын кызматкери Нурбек Асаналы уулу.
📚 Китепти “Кыргыз Туусу” басмаканасы даярдап, “Имак-офсет” типографиясында басылып чыгарылды.