Бишкек, 07.10.25 /Кабар/. АКШнын Кыргызстандагы элчиси Лесли Вигери менен жолугушууда министр Канатбек Сагынбаев адам сатууга каршы күрөшүү, аярлуу топтордун укуктарын коргоо жана согуштук аймактардан кайтып келген кыргызстандык аялдар менен балдарды реинтеграциялоо маселелерин талкуулады.
🇰🇬 Кыргызстандын эмгек, социалдык камсыздоо жана миграция министри Канатбек Сагынбаев АКШнын Кыргызстандагы элчиси Лесли Вигери менен жолугушту. Жолугушууда адам соодасына каршы күрөшүү жана калктын аялуу топторун коргоо боюнча кызматташууну бекемдөө маселелери талкууланды.
🤝 Жолугушуунун жүрүшүндө Сириядагы куралдуу кагылышуулардан кайтарылган кыргызстандык аялдар менен балдарды кайра интеграциялоо жана репатриациялоо маселелерине өзгөчө көңүл бурулду.
🌍 Канатбек Сагынбаев эл аралык уюмдар жана АКШ өкмөтү менен өнөктөштүктүн маанилүүлүгүн белгилеп, экстремисттик топтордун таасирине кабылган аялдар менен балдарга социалдык жана психологиялык жардам көрсөтүү зарылдыгын баса белгиледи.
🇺🇸 Элчи Лесли Вигери АКШ тараптын Кыргызстанды адам соодасына каршы күрөшүү жана кайтарылган жарандарды социалдык реабилитациялоо программаларын ишке ашырууда колдоо көрсөтүүгө даяр экендигин билдирди.
🤝 Жолугушуунун жыйынтыгында тараптар адам укуктарын коргоо жана социалдык туруктуулукту камсыз кылууга багытталган биргелешкен демилгелерди өнүктүрүү жана кызматташтыкты бекемдөө ниеттерин тастыкташты.