Туристтик-экологиялык милициясы тарабынан Ак-Суу районунда мыйзамсыз аңчылык кылган жаран кармалды. Анын жанынан жапайы кабан жана үч ок атуучу курал табылып, кылмыш иши козголду.
🦌 Ысык-Көл облусунун Ички иштер башкармалыгынын маалыматына ылайык, туристтик-экологиялык милиция кызматкерлери тарабынан мыйзамсыз аңчылык фактысы аныкталды.
🔍 Оперативдүү маалыматтын негизинде, жаратылыш ресурстары, экология жана техникалык көзөмөл министрлигинин аймактык башкармалыгынын егерьлери жана Ысык-Көл мамлекеттик коругунун кызматкерлери менен биргеликте рейд өткөрүлдү.
🚓 2025-жылдын 3-октябрында Ак-Суу районундагы капчыгайда, Боз-Учук айылынын тургуну, 1997-жылы туулган Т.К. аттуу жаран мыйзамсыз аңчылык кылып жаткан жеринен кармалды.
🐗 Кармоо учурунда жапайы доңуздун эттери жана үч даана мыйзамсыз ок атуучу курал табылып, алынган.
⚖️ Бул факты боюнча Кыргыз Республикасынын Кылмыш-жаза кодексинин 310 жана 267-беренелери боюнча кылмыш иши козголуп, тергөө иштери улантылууда.