“Йәштәр һәм балалар” милли проектын (национальный проект “Молодежь и дети”) тормошҡа ашырыуға ярашлы, вуз-ара кампустың Өфө дәүләт нефть техник университетының углерод материалдары технологияһы һәм спектроскопия лабораторияһы графенды ярымсәнәғәт синтезлау өҫтөндә эш башлай. Был хаҡта республиканың Мәғариф министрлығы хәбәр итә. Хәҙер был юғары сифатлы продуктты күберәк алыу өсөн иң яҡшы технологик режимдарҙы эҙләү эше бара. Графен ныҡлығы, һығылмалылығы һәм үткәреүсәнлеге буйынса баҡырҙан һәм ҡоростан көслөрәк. Ул юғары тиҙлектәге электроника, еңел һәм ныҡлы материалдар, яңы аккумуляторҙар һәм медицина технологиялары булдырыу өсөн кәрәк. – Графен – бик ҡиммәтле материал. Донъялағы хәлде иҫәпкә алып, уны арзан нефть химияһы сеймалынан етештереү республикабыҙ сәнәғәте өсөн үтә әһәмиәтле. Графен битумдың сифатын яҡшырта, иретмәләрҙең ныҡлылығын арттырыу өсөн һәм башҡа күп өлкәләрҙә ҡулланыла, – тип билдәләй Башҡортостан Республикаһы Хөкүмәте премьер-министры урынбаҫары – сәнәғәт, энергет