Бишкек шаардык драм театры "Тактеке" трагикомедиясын сахналайт. Бул философиялык чыгарма табият менен байланышын жоготкон адамдын окуясын баяндайт. Эпос жана азыркы учур айкалышкан спектакль адамдын түбөлүктүү суроолору тууралуу ой жүгүртүүгө чакырат.
🎭 Бишкек шаарындагы А.Умуралиев атындагы шаардык драмалык театрда Кыялбек Урманбетовдун чыгармасынын негизинде “Тактеке” аттуу трагикомикалык спектакль коюлат.
📅 Премьера 16-17-октябрда саат 19:00дө өтөт.
🌿 Бул спектакль табият менен байланышын жоготкон адамдын күч менен алсыздык, текебердик менен кечиримдүүлүк, кыйроо менен түбөлүк жашоого кайтуу ортосундагы абалын чагылдырат.
🎭 Спектаклде байыркы Кожожаш мергенчинин эпосу менен азыркы учурдун элементтери айкалышат. Маска театры адамдын маңызын ачып берүүчү ыкма катары колдонулат.
🗣️ Эпос сахна тилине айланып, табият жана адам жөнүндө түбөлүктүү суроолорду талкуулоого мүмкүндүк берет.
👥 Спектаклдин режиссёру — Айнура Качкынбек кызы, сүрөтчү — Мариам Аблакова, хореограф — Кыргыз Республикасынын эмгек сиңирген ишмери Сергей Стрельцов.