Кант диабети – бул инсулиндин жетишсиздиги же организмдин аны натыйжалуу колдонбоосу менен мүнөздөлгөн өнөкөт оору. Оорунун алдын алуу – бул туура жашоо образы, салмакты көзөмөлдөө жана физикалык активдүүлүк.
🩺 Сахар диабети — бул өнөкөт оору, анда уйку бези жетиштүү инсулин өндүрбөйт же организм аны натыйжалуу пайдалана албайт. Инсулин кандагы канттын деңгээлин жөнгө салат.
💔 Сахар диабети жүрөк, бөйрөк, көз жана нерв системасы менен байланышкан олуттуу көйгөйлөргө алып келиши мүмкүн.
🩹 Оору көбүнчө зааранын көбөйүшү, суусоо, ооздун кургашы, теринин жана былжыр челдин кычышуусу, алсыздык, табит сакталса да арыктоо, жаралардын жай айыгышы жана бүдөмүк көрүү менен коштолот.
📉 Кооптуу факторлорго 45 жаштан ашкан курак, ашыкча салмак, тукум куучулук, аз кыймылдуу жашоо образы, жогорку кан басымы жана холестерин деңгээли, жүрөк оорусу же инсульт кирет.
🥗 Дарыгерлер диабеттин алдын алуунун негизги жолу — бул дени сак жашоо образы экенин эскертишет. Салмакты азайтуу, таттууларды жана майлуу тамактарды чектөө, рационго көбүрөөк жашылча-жемиштерди кошуу маанилүү. Ачка болуу сунушталбайт.
🏃♂️ Күнүнө 30 мүнөттөн кем эмес физикалык активдүүлүк — сейилдөө, сүзүү, бий же йога сунушталат. Ошондой эле, адистер текшерүүдөн өтүп, ден соолуктун көрсөткүчтөрүн көзөмөлдөп турууну сунушташат.