#hōbits_prūsikai
Tenēi ast (anga bēi) līkutan amzjan zūrgi pussin nūse aūktas be mazai nikāi Īnstikjai sen bārdans. Hōbitai ni turri bārdans. Tenēi ēst anga pastippan ni turri māgijan, sklāit rindewīngin dēiniskan gaddingin, kawīda pagalba tenēimans prapaltwei pakīwingiskais be dīwai kaddan debīkan pāikan amzjan kāigi tū be as perēit auwaitjānts ēnilgan lunkjas, karwaūjants kāigi elepāntai kawīdan tenēi mazzi kīrdītun iz tālai prēipaus. Tenēi ast dīngewjaj prei būtwei instrawai en wēderu, tenēi ebwēlka si en lāukans bārwins (gruntiskai en zalljan be en geltāinan), tenēi ni awwaui kurbins, kasse paggan en tenēisans pēdans aūga naturālai nagnāinai pamatāi be starāi tappjai brūnaj skebeljāi tēt dīgi pawīstis na tenēisans galwans (kawīda ast wingtā); tenēi turri ilgans diwaspārtans brūnans pīrstans, labbadabbiskans prusnans be tenēi smejja si gilluns wēisiskans smejjans (sklāitewingi pa pussideinan, kawīdan tenēi turri dwaiwārst per dēinan, kaddan tenēi mazzi gaūtun din).
(Skaitātun tālis)
