Билим берүү кызматкерлеринин шайлоо процессине активдүү катышуусу маанилүү. Алардын тажрыйбасы жана жоопкерчилиги шайлоонун сапаттуу өткөрүлүшүнө чоң салым кошот.
🗳️ Билим берүү кызматкерлеринин шайлоо өнөктүгүнө активдүү катышуусу маанилүү.
👩🏫 Өткөн шайлоолордо саламаттыкты сактоо, маданият жана билим берүү тармактарынын кызматкерлери шайлоо комиссияларынын курамында активдүү иштеп, шайлоо процессин уюштурууга жана өткөрүүгө олуттуу салым кошушкан.
📊 Өлкө боюнча 2492 шайлоо участогунда 24 995 шайлоо комиссиясынын мүчөлөрү иштейт, алардын 15 496сы (болжол менен 63%) мугалимдер.
🏫 1655 шайлоо участогу республиканын орто мектептеринде жайгашкан.
🚫 Айрым аймактарда жана шаарларда билим берүү бөлүмдөрүнүн жетекчилери менен мектеп директорлору мугалимдерди негизсиз түрдө шайлоо комиссияларынын курамынан чыгарып жатканы белгилүү болду.
🔍 ЦИК мугалимдерди шайлоо процессине тартуу талапкерлердин пайдасына үгүттөө же байкоочу катары эмес, жогорку деңгээлде ишти уюштуруу үчүн зарыл экенин баса белгилейт.
🤝 Алардын көп жылдык тажрыйбасы жана жоопкерчиликтүү мамилеси алдыдагы ири шайлоо өнөктүгүн кемчиликсиз жана сапаттуу өткөрүүгө чоң салым кошот.
📢 ЦИК билим берүү кызматкерлеринин шайлоо процессине кошкон салымын жогору баалап, жергиликтүү жетекчилерди аларга негизсиз тоскоолдук кылбоого чакырат.