#Барыбииргэ
Хаҥалас лесничэйдэрэ анал байыаннай дьайыы буойунун ийэтигэр олбуорун туталлар
Хаҥалас улууһун Хоточчутугар оройуоннааҕы лесничество кэлэктиибэ Егоровтар тиэргэннэрин олбуорун саҥардаллар. 10-тан тахса киһи хара сарсыардаттан сүүс баҕананы эргиттилэр, сиэрдийэлэрин саайыыга киирдилэр.
Виктор Егоров Анал байыаннай дьайыыга 2022 сыллаахха балаҕан ыйын 23 күнүгэр барбыта. Бэбиэскэ тутарыгар Хаҥаластааҕы лесничествоҕа ойуур маастарынан үлэлээбитэ.
“Виктор ийэтэ Лидия Петровна манна Хоточчуга олорор, кини тиэргэнин олбуора алдьанан турарын оҥорторуон баҕарарын, маска наадыйарын эппитэ. Салалтабыт өйөөбүтэ”, - диэн эттэ Хаҥалас улууһун лесничествотын салайааччытын солбуйааччыта Петр Герасимов.
Эргэни көтүрэн, барытын саҥардар үлэ бара турар.
Полина Николаева, Хоточчу с.
