Ташкентте өткөн Түрк мамлекеттер уюмунун Башкы прокурорлор кеңешинин жыйынында санариптик криминалистика, эл аралык кызматташтыкты бекемдөө жана жарандардын укуктарын коргоо талкууланды. Кыргызстандык башкы прокурор Максат Асаналиев санариптештирүүнүн маанисин белгилеп, электрондук системаларды жана жасалма интеллектти киргизүүнүн маанилүүлүгүн айтты. Жыйындын жыйынтыгында мүчө мамлекеттердин прокуратураларынын кызматташуусун күчөтүү боюнча чечим кабыл алынды.
🤝 Ташкентте 24–26-сентябрда Түрк мамлекеттеринин уюмунун башкы прокурорлор кеңешинин төртүнчү жыйыны болуп өттү.
💻 Прокуратура органдарынын ишине заманбап маалыматтык-коммуникациялык технологияларды киргизүү, санариптик криминалистиканы өнүктүрүү жана эл аралык кызматташтыкты чыңдоо маселелери каралды.
📈 Кыргызстандын башкы прокурору Максат Асаналиев прокуратура ишмердүүлүгүн санариптештирүү өлкөдө жүргүзүлүп жаткан институционалдык реформалардын артыкчылыктуу багыты экенин баса белгиледи.
🌐 ОТГ өлкөлөрүнүн ортосунда электрондук системаларды, жасалма интеллектти киргизүү жана бирдиктүү маалыматтык чөйрөнү түзүү боюнча тажрыйба алмашуунун маанилүүлүгү белгиленди.
🤝 Жыйындын жыйынтыгында ОТГга мүчө мамлекеттердин прокуратураларынын өз ара аракеттенүүсүн күчөтүү жана мыйзам үстөмдүгүн камсыздоо, жарандардын укуктарын жана мыйзамдуу кызыкчылыктарын коргоо жаатында аракеттерди координациялоо боюнча биргелешкен чечим кабыл алынды.
🗂 Максат Асаналиев жана Өзбекстандын башкы прокурору Н.Йулдашев менен эки тараптуу жолугушууда 2024-жылдын 18-июлунда кол коюлган, 2025-жылдын 24-сентябрында күчүнө кирген эркинен ажыратуу жазасына кесилген адамдарды өткөрүп берүү тууралуу келишимдин ишке ашырылышы талкууланды.
🏠 Бул документтин гуманитардык мааниси баса белгиленип, жарандардын жазаны өз өлкөлөрүндө, үй-бүлөлөрүнө жакын жерде өтөөсүнө мүмкүнчүлүк берет.
🤝 Эки өлкөнүн прокуратураларынын ортосунда өнөктөштүк мамилелерди өнүктүрүү боюнча туруктуу диалогдун, тажрыйба алмашуунун жана мыйзамдуулукту чыңдоо, жарандардын укуктарын коргоо боюнча макулдашылган аракеттердин маанилүүлүгү тастыкталды.