Бакыт Торобаев Кытай мамлекеттик темир жол корпорациясынын делегациясы менен жолугуп, "Кытай-Кыргызстан-Өзбекстан" темир жолунун курулушу боюнча иш-чаралар талкууланды. Экологиялык стандарттарга жана коопсуздук нормаларына өзгөчө көңүл бурулуп, кыргызстандыктардын ишке орношуусун жогорулатуу сунушталды.
🇰🇬 Кыргызстандын, Кытайдын жана Өзбекстандын ортосундагы темир жолдун курулушу жаңы этапка өттү.
🚆 Курулуштун практикалык баскычы башталып, тоннелдерди казуу жана убактылуу инфраструктураны куруу иштери жүрүп жатат.
🌱 Бардык этаптарда экологиялык стандарттар жана коопсуздук нормаларынын сакталышына өзгөчө көңүл бурулууда.
🤝 Кыргыз тарап кытайлык өнөктөштөр менен конструктивдүү кызматташтыкты улантууга ишенимин билдирди жана улуттук мыйзамдардын, кесиптик этиканын жана коомдук тартиптин сакталышынын маанилүүлүгүн белгиледи.
📈 Жүк ташуунун көлөмүн болжолдоо, темир жол адистерин даярдоо академиясын ачуу жана экономикалык зоналарды түзүү сыяктуу негизги багыттар талкууланды.
👷♂️ Бакыт Торобаев долбоордун ишке ашырылышында Кыргызстандын жарандарынын жумуш менен камсыз болуу үлүшүн көбөйтүүнү сунуштады жана жергиликтүү жеткирүүчүлөрдөн товарлар менен кызматтарды артыкчылыктуу сатып алууга басым жасады.
🔗 Тараптар долбоордун узак мөөнөттүү туруктуу иштешин камсыз кылуу максатында бул маселелерди биргелешип иштеп чыгууну макулдашты.
🌍 “Кытай – Кыргызстан – Өзбекстан темир жолу – бул келечекке жол. Бул биздин достугубуздун, өнөктөштүгүбүздүн жана туруктуу өнүгүүгө умтулуубуздун символу. Координацияланган аракеттер долбоорду бардык элдерибиздин жыргалчылыгы үчүн эң натыйжалуу ишке ашырууга мүмкүндүк берет”, – деп жыйынтыктады Бакыт Торобаев.