Чүй облусунда велосипедчини өлтүргөн автоунаа айдоочусу кармалды. 1966-жылы туулган VOLVO жүк ташуучу унаанын айдоочусу убактылуу кармоочу жайга камалды. Тергөө иштери уланууда.
🚴♂️ Чүй облусунда велосипедистти сүзүп өлтүрүүгө шектелген айдоочу кармалды.
🚓 22-сентябрда Токмок шаарындагы ички иштер бөлүмүнө Бишкек-Нарын-Торугарт жолунун 64-чакырымында эркек кишинин сөөгү табылганы тууралуу кабар түшкөн.
🕵️♂️ Тергөөнүн жүрүшүндө жолдун четинде 50-55 жаштагы европалык түспөлүндөгү эркек кишинин сөөгү жана FSM үлгүсүндөгү бузулган велосипед табылган.
🧪 Маркумдун денеси Токмоктогу өлүк сактоочу жайга жеткирилип, экспертизалар дайындалды. Маркумдун өздүгү аныкталып, ал 1962-жылы туулган Токмок шаарынын тургуну К.Л. экени белгилүү болду.
🚨 Окуя боюнча КРнын Кылмыш-жаза кодексинин 312-беренеси (Кыймыл коопсуздугунун жана автомототранспорт каражаттарын эксплуатациялоонун эрежелерин бузуу) боюнча кылмыш иши козголду.
👮♂️ 25-сентябрда милиция кызматкерлери тарабынан жүргүзүлгөн ыкчам-издөө иш-чараларынын натыйжасында VOLVO жүк ташуучу унаасынын айдоочусу, 1966-жылы туулган С.Н. кармалып, убактылуу кармоочу жайга киргизилди. Тергөөнүн жүрүшү уланууда.