Найти в Дзене
Башҡортостан гәзите

Ямғырлы һалҡын һауа торошо оҙаҡҡа һуҙылырмы?

Башҡортостанда һалҡын һауа массалары тәьҫирендә һауа температураһы ныҡ түбәнәйҙе, ямғырҙар башланды. Синоптиктар республикала һалҡын һауа торошоноң ни тиклем оҙаҡҡа һуҙылыуы һәм яуым-төшөмдөң ҡасан туҡтауы хаҡында һөйләне. Рәсәй Гидрометеорология үҙәге фаразы буйынса, 27 сентябрҙә ямғыр яуыуы көтөлә. Айҙың ҡалған көндәрендә болотло һауа торошо була, башлыса яуым-төшөмһөҙ. “Фобос” үҙәгендә оҙайлыраҡ фараз бирҙеләр, метеорологтар 4 октябргә тиклем яуым-төшөмдөң туҡтатылыуы тураһында хәбәр итә. Әммә яҡын арала һауа температураһының күтәрелеүе көтөлмәй. 27-29 сентябрҙә көндөҙ термометр бағанаһы +10 градустан түбән төшәсәк. Төнөн +4 градусҡа тиклем һыуыта. Һауа температураһы 30 сентябрҙән – көндөҙ +12, төндә +6 градусҡаса күтәреләсәк. 6 октябрҙә республикаға йылы һауа торошо килә. Көндөҙ һауа +15, +16 градусҡаса йылына. Төндә һауа температураһының +11 градусҡа тиклем күтәрелеүе көтөлә. Дөйөм алғанда, октябрҙә йылы көндәр аҙ була. Фото: Әлиә Хужәхмәтова.