Добавить в корзинуПозвонить
Найти в Дзене
Башҡортостан гәзите
421 подписчик

Радий Хәбиров көҙгө сессияны асты

2 мин
25 сентябрҙә Өфөлә Башҡортостан Башлығы Радий Хәбиров республиканың етенсе саҡырылыш Дәүләт Йыйылышы – Ҡоролтайҙың 25-се ултырышында ҡатнашты. Ул төбәк парламентының көҙгө эш сессияһында беренсе булды. Радий Хәбиров үҙенең сығышында Башҡортостан Дәүләт Йыйылышы – Ҡоролтай депутаттарына емешле эше өсөн рәхмәт әйтте. – Һуңғы, илебеҙ өсөн ҡатмарлы булып киткән йылдарҙа Дәүләт Йыйылышы эшмәкәрлеге юғары һөҙөмтәлелек, берҙәмлек, бөтә мәсьәләләр буйынса үҙ ҡарашы менән айырылып тора, – тине республика Башлығы. – Беҙҙең парламент Дәүләт Думаһы ҡабул иткән закондар сығарыу башланғыстары һаны буйынса һәр ваҡыт лидерҙарҙың береһе булды. Республика идара итеү командаһы эшендә махсус хәрби операция бурыстарына өлгәшеү төп өҫтөнлөк булып ҡала, тип иҫкә төшөрҙө төбәк етәксеһе. – Махсус хәрби операцияла ҡатнашыусыларға һәм уларҙың ғаилә ағзаларына ярҙам итеүҙең 54 сараһын тормошҡа ашырыуға республика бюджетынан былтыр 13 миллиард һум йүнәлтелгән, быйыл – 25 миллиард һум. Башҡортостан подразделениелар

25 сентябрҙә Өфөлә Башҡортостан Башлығы Радий Хәбиров республиканың етенсе саҡырылыш Дәүләт Йыйылышы – Ҡоролтайҙың 25-се ултырышында ҡатнашты. Ул төбәк парламентының көҙгө эш сессияһында беренсе булды. Радий Хәбиров үҙенең сығышында Башҡортостан Дәүләт Йыйылышы – Ҡоролтай депутаттарына емешле эше өсөн рәхмәт әйтте. – Һуңғы, илебеҙ өсөн ҡатмарлы булып киткән йылдарҙа Дәүләт Йыйылышы эшмәкәрлеге юғары һөҙөмтәлелек, берҙәмлек, бөтә мәсьәләләр буйынса үҙ ҡарашы менән айырылып тора, – тине республика Башлығы. – Беҙҙең парламент Дәүләт Думаһы ҡабул иткән закондар сығарыу башланғыстары һаны буйынса һәр ваҡыт лидерҙарҙың береһе булды. Республика идара итеү командаһы эшендә махсус хәрби операция бурыстарына өлгәшеү төп өҫтөнлөк булып ҡала, тип иҫкә төшөрҙө төбәк етәксеһе. – Махсус хәрби операцияла ҡатнашыусыларға һәм уларҙың ғаилә ағзаларына ярҙам итеүҙең 54 сараһын тормошҡа ашырыуға республика бюджетынан былтыр 13 миллиард һум йүнәлтелгән, быйыл – 25 миллиард һум. Башҡортостан подразделениеларына, яңы төбәктәргә 161 гуманитар конвой ебәрелде, – тине Радий Хәбиров. Башҡортостан иҡтисады үҫешеүен дауам итә, тип билдәләне республика Башлығы. – Бөтә ауырлыҡтарға ҡарамаҫтан, алға барыуыбыҙҙы дауам итәбеҙ, – тине төбәк етәксеһе. – Илдең милли маҡсаттарының йүнәлештәренә өлгәшеүҙе тәьмин итәбеҙ. Бөтә социаль йөкләмәләрҙе тулыһынса үтәйбеҙ. Иҡтисадта резервтар табабыҙ, бюджетты оптималләштерәбеҙ. Әүҙем инвестиция сәйәсәтен дауам итәбеҙ. Индустриаль партнерҙарыбыҙ, шул иҫәптән яҡын һәм алыҫ сит илдәрҙән, менән хеҙмәттәшлекте үҫтерәбеҙ. Башҡортостан Дәүләт Йыйылышы – Ҡоролтай ултырышында депутаттар республиканың һаулыҡ һаҡлау министры Айрат Рәхмәтуллиндың МХО-ла ҡатнашыусыларға һәм уларҙың ғаилә ағзаларына медицина ярҙамы күрһәтеү тураһындағы докладын тыңланы. Айрат Рәхмәтуллин хәбәр итеүенсә, төбәктә амбулатор шарттарҙа ете меңдән ашыу махсус хәрби операцияла ҡатнашыусы һәм уларҙың 16 меңдән ашыу туғаны медицина ярҙамы алған. Стационарҙа дүрт меңдән ашыу хәрби хеҙмәткәр һәм уларҙың ике мең ғаилә ағзаһы дауаханаға оҙатыла. 558 яугир һәм уларҙың 286 яҡыны медицина реабилитацияһын үтә. МХО-ла ҡатнашыусыларға ярҙам күрһәтеүгә республиканың бөтә медицина ойошмалары йәлеп ителгән. Һәр береһендә хәрбиҙәрҙең һәм уларҙың ғаилә ағзаларының шәхси оҙатыуы өсөн яуаплы хеҙмәткәрҙәр бар. Республика клиник психотерапия үҙәгендә психологик-психотерапевтик реабилитация өсөн айырым программа әҙерләнде. Фото: Башҡортостан Башлығы сайты.