Դանիայի մի քանի օդանավակայաններում անօդաչու թռչող սարքերի ակտիվություն է նկատվել մեկ շաբաթվա ընթացքում, գրել է BBC-ն։
Մինչ այս Կոպենհագենի օդանավակայանը ստիպված էր փակվել այս շաբաթվա սկզբին՝ անօդաչու սարքերի ներխուժման պատճառով, որը երկրի վարչապետը որակել էր որպես «մինչ օրս դանիական ենթակառուցվածքների վրա ամենադաժան հարձակումը»։
Այժմ երկրի հարավային տարածաշրջանի երեք այլ փոքր օդանավակայաններ՝ Էսբյերգը, Սյոնդերբորգը և Շկրիդստրուպը, նույնպես հայտնել են ԱԹՍ-ների ակտիվացման մասին, բայց չեն փակվել։
Անցյալ շաբաթ Էստոնիան և Լեհաստանը խորհրդակցություն են խնդրել ՆԱՏՕ-ի մյուս անդամների հետ, այն բանից հետո, երբ Ռուսաստանին մեղադրել են իրենց օդային տարածքը խախտելու մեջ առանձին միջադեպերում։ ՆԱՏՕ-ի մեկ այլ անդամ՝ Ռումինիան, նույնպես հայտարարել է, որ ռուսական անօդաչու թռչող սարքերը խախտել են իր օդային տարածքը։
Ռուսաստանը հերքել է Էստոնիայի օդային տարածքը խախտելու մեղադրանքը, մինչդեռ պնդել է, որ լեհական ներխուժումը միտումնավոր չի եղել։
Ավելի վաղ Լեհաստանի օդային տարածք անհայտ օբյեկտների ներխուժման պատճառով փակվել էին Վարշավա և Ժեշուվ քաղաքների օդանավակայանները։
Նորություններին հետևեք մեր կայքում, ինչպես նաև Telegram-ում և YouTube-ում